Plantun de Prouvènço

Pèr coumpara dos planto d'encò nostre

Conocephalum conicum & Saxifraga moschata

Conocephalum conicum

Conocephalaceae

Nom en français : Hépatique à large thalle.

Descripcioun :
Es uno forto epatico que trachis en coulounìo sus li roucas umide o sus lou sòu proche d'aigo. Se recounèis à soun tale large (1,5 cm) dicoutoumique qu'esbriho proun. A ges de garbello à proupagulo.

Usanço :
Se pòu counfoundre emé Conocephalum salebrosum mens larg (1 cm) e mat qu'amo miés lis endré acide.

Port : Tale coumplèisse
Taio : 1 à 2 cm
Fueio : ges
Tipe bioulougico :
Cicle bioulougico : Planto renadivo

Gènre : Conocephalum
Famiho : Conocephalaceae

Ordre : Marchantiales

Coulour de la flour :
Petalo : ges
Ø (o loungour) flour : ges
Flourido : Printèms

Sòu : Ca
Autour basso e auto : 50 à 2000 m
Aparado : Noun

Liò : Roucas umide - Sòu proche d'aigo
Estànci : Mesoumediterran à Subaupen
Couroulougi : Oulartico
Ref. sc. : Conocephalum conicum (L.) Dumort.

Sassifrago(-muscado)

Saxifraga moschata

Saxifragaceae

Autre noum : Sassifrajo.

Nom en français : Saxifrage musquée.

Descripcioun :
La sassifrago-muscado trachis en couissin dins lis aùti mountagno de Prouvènço sus cauquié. Flouris belamen l'estiéu. Li flour soun blanco emé lou cèntre jaune e li petalo se tocon pas, au contro de la sassifrago-regado, Saxifraga exarata que ié sèmblo proun. Li fueio di tres partido soun regado soulamen sus lou tros dóu mitan (e pas toujour fin qu'au bout), alor que li de sa cousino soun tóuti tres regado en plen. Apoundèn que li fueio di ramo esterlo soun entiero (fotò). Coumpara emé la sassifrago-regado que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 12 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Saxifraga
Famiho : Saxifragaceae

Ordre : Saxifragales

Coulour de la flour : Blanco Jauno
Petalo : 5
Ø (o loungour) flour : 0,6 à 1 cm
Flourido : Printèms - Estiéu

Sòu : Ca
Autour basso e auto : 1600 à 3200 m
Aparado : Noun
Jun à avoust

Liò : Baus - Roucas - Tepiero roucaiouso
Estànci : Subaupen à Aupen
Couroulougi : Ouroufito-Éurasiatico
Ref. sc. : Saxifraga moschata Wulfen, 1781

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Conocephalum conicum & Saxifraga moschata

ges

Coumpara Epatico-di-capèu-pounchu emé uno autro planto

Coumpara Sassifrago(-muscado) emé uno autro planto